بإيديك جارحنى......... يا صاحبى

**همس الليل** · من طرف **همس الليل** في السبت فبراير 06, 2010 2:57 pm

اوعى فى يوم ياصاحبى تقول انك صاحبى
ازاى صاحبى وانت اللى بإيديك جارحنى
كنت فاكرك سندى وظهرى
يوم ما الدنيا تجرحنى
اجرى قوام عليك وانسى همى واترمى فى حضن عنيك
والاقيك بالحنيه تقابلنى وبالنصيحه تنصحنى
ياااااه ياصاحبى
انت اللى فى الاخر تجرحنى
الاقيك بإيدك انت بتدبحنى
جاى دلوقتى تقول حاسب على كلامك
وان عمرك ما خونت سلامك
كنت معايا صاحب بيخاف عليا
كنت انت اللى بتمسح دمع عنيا
واديك فى الاخر من ورى ظهرى انت اللى بتجيب فى سيرتى
طيب ليه ياصاحبى
ليه بإيدك تجرحنى
انا كنت بثق فيك اكثر من نفسى
اوعى فى يوم ياصاحبى تقول انك كنت فى يوم تعرفنى
اصلك كبير وجرحك لقلبى كان كتير
بس مزعلتش من جرحك زعلت لما جيت اواجهك
بسهوله قولت ان انا مش هبقى تانى صاحبك
وحاسب على كلامك
انت عمرك ما فهمت اللى قدامك
كل ده ليه والجرح اللى اتجرحته كان من مين وليه
من صاحبى ولا من نفسى
اه يادنيا دلوقتى برمى عليكى حملى
اصل هو بس اللى كان بيشيل همى
واهو سابنى وساب قيل ما يمشى دمعى
كنت مسمياه نور عينى
كان على الجرح بيقوينى
ليه بس يانور عينى
تشمت فيا دموع عينى

كل دمعه بتقول هو ده اللى كان عامل حبيب
وهو نفسه اللى اخدت منه الغدر وكان النصيب
دمعه ورى دمعه
وكدبه ورى كدبه
ولسه الطريق طويل
وياما هتشوفى ياعين مهابيل
اللى بيكدب فى الاحساس
واللى بيتعمد يدوس على قلوب الناس
واللى عايش وخلاص
ابكى ياعين
يمكن الدمع يريحك
بس هرجع تانى وافكرك
صحيح كان نورك
وكان سندك
واللى عمرى ما تخيلت انه يخونك
فوقى بقى وبلاش تعيشى الوهم
ده جرحك كان من ايديك
والغدر بقى يمشى فى وريدك
اوعى تصدقى تانى ان اللى يقف جمبك ويمسح دمعك يبقى بيحبك
خونى واجرحنى وعذبنى واهجرنى
دى الدنيا غابه
وعمرك ما هتنصنفى من الغلابه
قدر ومكتوب تبقى معذبه قلوب
بس مهما كان جرحك فيا اثر
هتفضل معزتك فى قلبى بتأثر
بتمنالك الخير
ياللى كنت صاحبى

**malakel7ob** · من طرف **malakel7ob** في السبت فبراير 06, 2010 9:28 pm

ليه بس كده
والله بكتني
تسلم ايديكي يا هموسه
اصعب جرح بجد بيكون من اقرب الناس
لازم نتعود ...دي الدنيا غابه
ربنا يحفظنا

**(Admin(MOHAMED ELKOT**

تسلم ايديك ياهمس
توبيك جميل اووووووووووى

**scream** · من طرف **scream** في السبت فبراير 06, 2010 10:40 pm

موضوع جميل اوى تسلم ايدك

**warior4ever** · من طرف **warior4ever** في الأحد فبراير 07, 2010 2:14 am

التوبيك روووووعة انا قراته اكثر من مرة من جماله
بجد اصعب حاجة الجرح
وبالذات لو جه من حد انت فاكره صاحب وصديق ليك صاحب بمعنى الكلمة وفجاة بتلاقيه بيفجاك بكلام ومعاملة عمرك ما كنت تتوقعها منه معاملة بيها بتحس ان الانسان الى قدامك ده اول مرة تعرفه اول مرة تتكلم معاه
مش شخص كان فيوم من الايام اقرب الناس اليك
فجاة بتلاقيه بيقولك انت عاوز منى ايه انت متهمنيش انا عندى الى اهم منك والى احسن منك
ساعتها بس بتحس باكبر جرح ممكن تتجرحه فى يوم

**همس الليل** · من طرف **همس الليل** في الأحد فبراير 07, 2010 6:11 pm

فعلا عندك حق ياملاك ربنا يحفظنا
شكرا على مرورك الجميل ياملوكه
نورتيني ياسكره

شكرا على مرورك الجميل يامحمد
نورت الموضوع

شكرا على مرورك الجميل ياسكريم
نورت الموضوع

فعلا والله ياوريور عندك حق
وانا مجربه الاحساس ده اكتر من مره
الدنيا بقة كلها مصالح ونادر ماتلاقي صاحب بجد
شكرا ياوريور على ردك الجميل ده
نورت الموضوع

**ahmed galal** · من طرف **ahmed galal** في الأربعاء فبراير 10, 2010 12:48 am

انا عامل زى البوليس المصرى باجى ف اخر الحكاية

رووووعة يا همس

**همس الليل**

ههههههههههههههههههه

شكرا على مرورك الجميل ياحمد
نورت الموضوع

**shamsoo** · من طرف **shamsoo** في السبت فبراير 13, 2010 3:42 am

روعة روعة روعة
شعور اقسى من اي الم تاني الجرح من الناس القريبين من القلب
وبصرحة حضرتك عبرتي عنه بشكل حلو قوي
.
.
.
.
ءدودو لو انت زي البوليس الصمري انا ابقى زي ميييين ؟؟؟؟؟؟؟؟.........

بإيديك جارحنى......... يا صاحبى

بإيديك جارحنى......... يا صاحبى

رد: بإيديك جارحنى......... يا صاحبى

رد: بإيديك جارحنى......... يا صاحبى

رد: بإيديك جارحنى......... يا صاحبى

رد: بإيديك جارحنى......... يا صاحبى

رد: بإيديك جارحنى......... يا صاحبى

رد: بإيديك جارحنى......... يا صاحبى

رد: بإيديك جارحنى......... يا صاحبى

رد: بإيديك جارحنى......... يا صاحبى